Galician Connection

Edición 2013

Galician Connection 2013 ofreceu un programa completo de actividades que permitiron aos inscritos CONEC­TAR cos músicos convidados de xeito personalizado, COÑECER as súas tradicións musicais e os seus proxectos, mergullarse no mundo da produción musical e aprender no directo, deixarse contaxiar polo afán de EMPRENDEMENTO dos convi­dados e compartir con eles os seus propios proxectos, observar non só o resultado, senón o proceso completo de CREACIÓN colectiva do concerto, e COMPARTIR co público os resultados do diálogo da súa música coa doutros participantes.

Galician Connection 2013 contou coa presenza de Jorge Pardo, saxofonista e frautista recoñecido recentemente como mellor artista de Jazz europeo, Wu Tong, considerado unha das figuras máis importantes da música tradicional chinesa, o compositor e pianista de jazz cubano Omar Sosa, o violinista e emprendedor americano residente en Afganistán William Harvey, o percusionista e especialista en músicas tradicionais Eliseo Parra, o acordeonista de jazz galego residente nos Estados Unidos Víctor Prieto, a cellista e cantante galega Rosa Cedrón, e o percusionista galego Isaac Palacín.