Galician Connection

Edición 2012

Galician Connection é un festival creado para a interacción cultu­ral a través da música, un lugar de encontro con músicos de partes moi distintas do mundo, que ofrece aos inscritos a posibilidade de coñecer e dialogar con outras tradicións e estilos musicais. GC pon en contacto directo aos participantes con artistas consolidados por longas traxectorias, o que contri­bue a que novos talentos emerxentes se poidan formar, atopar consello, inspiración e oportunidades de colaboración futuras.  

A primeira edición ofreceu durante tres días na Cidade da Cultura un intenso programa de actividades (ensaios, clases prácticas, encontros “cara a cara”, etc.) con grandes mestres da World Music como Sandeep Das da India, Emilio Solla de  Arxentina, Josep Vicent dende Valencia, os galegos Anxo Pintos e Guadi Galego, e a participación especial do músico cubano e posuidor de doce Grammys Paquito D’Rivera, con a dirección artística de Cristina Pato e a producción de Nordesía.