Galician Connection

Edición 2014

Un programa formativo a cargo de seis artistas internacionais, charlas, obradoiros, debates, e un gran concerto final no Museo Centro Gaiás. Esta foi a oferta da terceira edición de Galician Connection, un laboratorio de música, pensamento e difusión dirixido por Cristina Pato.

O Galician Connection 2014 contou con seis mestres musicais de alto nivel como o catalán Carles Benavent, un mestre na interpretación do baixo eléctrico e nome propio no mundo do jazz; o compositor, improvisador e intérprete de clarinete Kinan Azmeh desde Siria; o harpista colombiano Edmar Castañeda, integrador da harpa nos estilos jazz e latin; Abe Rábade, un dos pianistas galegos con máis proxección no panorama musical internacional; a voz multicultural da galego-palestina Najla Shami; e o percusionista coruñés e un dos educadores máis emblemáticos de Galicia: Carlos Castro.